Medical

ადიფლოქსი




შემადგენლობა


თითოეული ტაბლეტი შეიცავს

აქტიური ინგრედიენტი: ლევოფლოქსაცინი 500მგ


სხვა ინგრედიენტები:

მიკროკრისტალური ცელულოზა, ჰიპრომელოზა, კროსპოვიდონი, სილიციფიცირებული მიკროკრისტალური ცელულოზა, ნატრიუმის სტეარილ ფუმარატი, კოლოიდური უწყლო სილიციუმი.

გარსის საფარი: ტალკი, ტიტანის დიოქსიდი (El 71), მაკროგოლი, პოლივინილის სპირტი, „სანსეთ იელოუ“ (El 10), ტარტრაზინი (El 02), სოიოს ლეციტინი.


ფარმაკოლოგიური კატეგორია

ანტიბაქტერიული საშუალება, ფტორქინოლონი


ჩვენებები
  • საზოგადოებაში შეძენილი პნევმონია (Streptococcus pneumoniae-ს მულტირეზისტენტული შტამების (MDRSP) ჩათვლით)
  • ნოზოკომიური პნევმონია
  • ფილტვის ქრონიკული ობსტრუქციული დაავადების გამწვავება
  • ბაქტერიული რინოსინუსიტი
  • საშარდე გზების ინფექცია (გაურთულებელი და გართულებული), მწვავე პიელონეფრიტი
  • პროსტატიტი (მწვავე და ქრონიკული)
  • მენჯის ანთებითი დაავადება
  • Chlamydia trachomatis-ით გამოწვეული ცერვიციტი, ურეთრიტი
  • მწვავე ეპიდიდიმიტი
  • კანისა და კანის სტრუქტურების ინფექცია (გაურთულებელი და გართულებული)
  • ქირურგიული ჭრილობის ინფექცია
  • ნაკბენი ჭრილობის ინფექცია (პროფილაქტიკა და მკურნალობა)
  • დიაბეტური ტერფის ინფექცია
  • მუცლის ღრუს ინფექცია (მსუბუქიდან საშუალო სიმძიმემდე, საზოგადოებაში შეძენილი, რეზისტენტობის რისკის გარეშე)
  • Helicobacter pylori-ის ერადიკაცია
  • ანტიბაქტერიული პროფილაქტიკა ნეიტროპენიის დროს
  • ოსტეომიელიტი
  • პროთეზირებული სახსრის ინფექცია
  • ნაწლავური ინფექცია (მათ შორის სალმონელოზი (არატიფოიდური) და შიგელოზი)
  • მოგზაურთა დიარეა
  • ტუბერკულოზი
  • ინჰალაციური ანთრაქსი (ექსპოზიციის შემდეგ)
  • შავი ჭირის (Yersinia pestis) პროფილაქტიკა და მკურნალობა (პნევმონიური და სეპტიცემიური)

მიღების წესი

მიიღება კვებისგან დამოუკიდებლად. კრისტალურიის თავიდან ასაცილებლად მკურნალობის პერიოდში რეკომენდებულია საკმარისი რაოდენობის სითხის მიღება. მაგნიუმის და ალუმინის შემცველ ანტაციდებთან , სუკრალფატთან, მეტალის კათიონეთან (მაგ. რკინა), თუთიის შემცველ მულტივიტამინურ პრეპარატებთან ერთად მიღებისას აუცილებელია 2 სთ-იანი ინტერვალების დაცვა.


დოზირება ნაკბენი ჭრილობის ინფექცია პროფილაქტიკა და მკურნალობა

750მგ ერთხელ დღეში

საპროფილაქტიკო თერაპიის ხანგრძლივობა 3-5 დღე

დადასტურებული ინფექციის სამკურნალოდ 5-14 დღე პაციენტ-სპეციფიური ფაქტორების და კლინიკური შედეგის მიხედვით


ფილტვის ქრონიკული ობსტრუქციული დაავადების გამწვავება

500მგ ერთხელ დღეში 3 - 7 დღე

750მგ ერთხელ დღეში P. Aeruginosa-ზე ეჭვის შემთხვევაში

ზოგიერთი ექსპერტი რეკომენდაციას უწევს ფტორქინოლონის დარეზერვებას რისკის ფაქტორების მქონე ამბულატორიული პაციენტებისთვის (ასაკი≥65წ, FEV1 < სავარაუდოს 50%-ზე, ხშირი გამწვავება, მნიშვნელოვანი კომორბიდობები) ან ფსევდომონური ინფექციის რისკის ფაქტორების არმქონე სტაციონარული პაციენტებისთვის

დიაბეტური ტერფის ინფექცია

მსუბუქიდან საშუალო სიმძიმემდე: 500მგ ყოველ 24სთ-ში

750მგ ყოველ 24სთ-ში P. Aeruginosa-ზე ეჭვის შემთხვევაში

საშუალო სიმძიმიდან მძიმემდე ინფექციის შემთხვევაში 750მგ ყოველ 24სთ-ში

მწვავე ეპიდიდიმიტი

სქესობრივად გადამდები ინფექციის დაბალი რისკის მქონე ≥35წ პაციენტებისთვის (სავარაუდო ნაწლავური პათოგენები): 500მგ ერთხელ დღეში 10 დღე

35წ პაციენტებში სქესობრივად გადამდები ინფექციის რისკის შემთხვევაში ფტორქინოლონები არ არის რეკომენდებული Neisseria gonorrhoeae-ს გავრცელებული რეზისტენტობის გამო.

სავარაუდო სქესობრივად გადამდები Chlamydia trachomatis ან N. gonorrhoeae და ნაწლავური ორგანიზმით გამოწვეული ინფექციის შემთხვევაში 500მგ ერთხელ დღეში 10 დღე ცეფტრიაქსონის ერთჯერად დოზასთან კომბინაციაში

Helicobacter pylori ერადიკაცია

სამმაგი თერაპია ლევოფლოქსაცინით: 500მგ ერთხელ დღეში კომბინაციაში 1გ ამოქსიცილინთან 2-ჯერ დღეში, პლუს სტანდარტულდოზიანი პროტონული ტუმბოს ინჰიბიტორი 2-ჯერ დღეში; 10-14 დღე

მუცლის ღრუს ინფექცია მსუბუქიდან საშუალო სიმძიმემდე, საზოგადოებაში შეძენილი რეზისტენტობის რისკის ფაქტორების გარეშე

ემპირიული ორალური კურსი რეკომებნდებულია მსუბუქი და საშუალო სიმძიმის პაციენტებისთვის.

სხვა პაციენტებში გამოიყენება საფეხურიებრივ თერაპიაში ი.ვ. აგენტით კლინიკური გაუმჯობესების შემდეგ

ქოლეცისტიტი, მწვავე: 750მგ ერთხელ დღეში მკურნალობა უნდა გაგრძელდეს ქოლეცისტექტომიიდან კიდევ 1 დღე ან კლინიკურ გამოჯანმრთელებამდე არაქირურგიულ პაციენტებში

დამატებითი ანაერობული თერაპია (მეტრონიდაზოლი) რეკომენდებულია ბილიარულ-ნაწლავური ანასტომოზის შემთხევვაში

მუცლის ღრუს სხვა ინფექციები (პერფორირებული აპენდიქსი, ინტრააბდომინური აბსცესი): 750მგ ერთხელ დღეში მეტრონიდაზოლთან კომბინაციაში.

მკურნალობის საერთო ხანგრძლივობა (საფეხურებრივის ჩათვლით) 4-5 დღე წყაროს ადეკვატური კონტროლის შემდეგ.

ინტერვენციის გარეშე მართვადი დივერტიკულიტის ან გაურთულებელი აპენდიციტის შემთხვევაში მკურნალობის ხანგრძლივობა 7-10 დღე.

ანტიბაქტერიული პროფილაქტიკა ნეიტროპენიის დროს (ქიმიოთერაპიით გამოწვეული) მაღალი რისკის პაციენტებში მოსალოდნელი ნეიტროფილების აბსოლუტური რიცხვით ≤100 უჯრ./ მმ3 > 7 დღის განმავლობაში

500 ან 750მგ ერთხელ დღეში

ზოგიერთი კლინიცისტი იწყებს ანტიბაქტერიულ პროფილაქტიკას თუ მოსალოდნელი ნარ < 500 უჯ./ მმ3 >7 დღის განმავლობაში

ჰემოპოეზური უჯრედების ტრანსპლანტაციის რეციპიენტებში მკურნალობა იწყება ღეროვანი უჯრედების ინფუზიის დროს და გრძელდება ნეიტროპენიის აღდგენამდე ან ნეიტროპენიის ცხელების სამკურნალო ანტიბიოტიკოთერაპიის დაწყებამდე.

ოსტეომიელიტი

750 მგ ერთხელ დღეში ≥6 კვირა

პნევმონია

საზოგადოებაში შეძენილი კომორბიდობის მქონე ამბულატორიულ პაციენტებში ან სტაციონარულ პაციენტებში

750 მგ ერთხელ დღეში.

სტაციონარული პაციენტებისთვის ან მეთიცილინისადმი რეზისტენტული Staphylococcus aureus-ის რისკის ფაქტორების შემთხვევაში ინიშნება შესაფერისი კომბინირებული თერაპიის შემადგენლობაში. მკურნალობის ხანგრძლივობა მინიმუმ 5 დღე. უფრო ხანგრძლივი კურსი შესაძლოა საჭირო გახდეს იმუნოდეფიციტური მდგომარეობის, გართულებული ინფექციის ან P. aeruginosa-თი გამოწვეული ინფექციის დროს.

პროსტატიტი

მწვავე და ქრონიკული ბაქტერიული პროსტატიტი: 500მგ ერთხელ დღეში 4-6 კვირა

პროთეზირებული სახსრის ინფექცია

გრამ-უარყოფითი ბაცილები: 750მგ ერთხელ დღეში

Staphylococcus aureus, ორალური საფეხურებრივი თერაპია (პათოგენ-სპეციფიური ი.ვ. აგენტის შემდეგ) 500-750მგ ერთხელ დღეში. მკურნალობის ხანგრძლივობა მინიმუმ 3 თვე, პაციენტ-სპეციფიური ფაქტორებიდან გამომდინარე

გრამ-უარყოფითი ბაცილების ქრონიკული სუპრესიული თერაპია: 500მგ ერთხელ დღეში

მწვავე ბაქტერიული რინოსინუსიტი

გაურთულებელი მწვავე ბაქტერიული რინოსინუსიტისთვის რეკომენდებულია დაკვირვება და სიმპტომების მართვა ანტიბიოტიკოთერაპიის გარეშე.

ანტიბიოტიკოთერაპია უნდა დარეზერვდეს დაკვირვების შეუძლებლობის ან გაუმჯობესების არარსებობის შემთხვევებისთვის.

500 ან 750მგ ერთხელ დღეში 5-7 დღე

სალმონელათი გამოწვეული ინფექცია (არატიფოიდური)

კუჭ-ნაწლავის ინფექცია: 500მგ ერთხელ დღეში 3-14 დღე (7-14 დღე აივ-ის მქონე პაციენტებში CD4 რიცხვი ≥200 უჯრედი/მმ3). იმუნოსუპრესიული პაციენტები (აივი და CD4 რიცხვი < 200 უჯრედი/მმ3) საჭიროებენ უფრო ხანგრძლივ მკურნალობას (კვირებიდან თვემდე) და შესაძლოა დასჭირდეთ მაღალი დოზა (750მგ ერთხელ დღეში).

ბაქტერიემია: 500 ან 750მგ ერთხელ დღეში 14 დღე.

იმუნოსუპრესიულ პაციენტებში (აივი და CD4 რიცხვი < 200 უჯრედი/მმ3) ან პაციენტებში ინფექციის ექსტრაინტესტინური ფოკუსით საჭიროა ხანგრძლივო მკურნალობა (კვირებიდან თვემდე)

სქესობრივი გზით გადამდები ინფექცია

Chlamydia trachomatis-ით გამოწვეული ცერვიციტი ან ურეთრიტი:

500მგ ერთხელ დღეში 7 დღე; ინდივიდუალური რისკის ფაქტორების გათვალისწინებით უნდა განიხილოს გონორეის თანმხლები მკურნალობაც, თუ ლოკალური გავრცელება მომატებულია (>5%)

მენჯის ანთებითი დაავადება

ამბულატორიული მართვა, მსუბუქიდან საშუალო სიმძიმემდე:

500მგ ერთხელ დღეში მეტრონიდაზოლთან კომბინაციაში 14 დღე ზოგიერთი ექსპერტი განიხილავს მეტრონიდაზოლის დამატებას სურვილისამებრ

რეზისტებტობის საკითხის გათვალისწინებით პირველი რიგის აგენტების გამოყენების შეუძლებლობის ან ლოკალურად N. gonorrhoeae-ს რეზისტენტობის < 5% პრევალენტობის შემთხვევაში

შიგელით გამოწვეული ნაწლავური ინფექცია

500 ან 750მგ ერთხელ დღეში 3 დღე; მკურნალობა შესაძლოა გახანგრძლივდეს 5-7 დღემდე პაციენტებისთვის

S. dysenteriae ტიპი 1 ინფექციით ან აივ კოინფექციით

კანისა და კანის სტრუქტურების ინფექცია

ჩირქოვანი ცელულიტი ან აბსცესი (გრამ-უარყოფითი ინფექციის ან მაღალი რისკის მქონე პაციენტებისთვის): 750მგ ერთხელ დღეში სხვა შესაფერის აგენტთან კომბინაციაში.

მკურნალობის კურსი 5-14 დღე ინფექციის სიმძიმის და კლინიკური შედეგის მიხედვით.

სისტემური ანტიბიოტიკები ნაჩვენებია აბსცესის სამკურნალოდ გარკვეულ შემთხვევებში (მაგ. იმუნოდეფიციტის მქონე პაციენტი, სისტემური ინფექციის ნიშნები, დიდი ან მრავლობითი აბსცესი, მოწყობილობა, ენდოკარდიტის რისკი)

ქირურგიული ჭრილობის ინფექცია

ნაწლავის ან შარდ-სასქესო ტრაქტის ქირურგია: 750მგ ყოველ 24სთ-ში ერთხელ მეტრონიდაზოლთან კომბინაციაში

შორისის ან იღლიის ქირურგია: 750მგ ყოველ 24სთ-ში ერთხელ მეტრონიდაზოლთან კომბინაციაში

პოსტოპერაციული პროფილაქტიკა რეკომენდებული არ არის სუფთა და სუფთა-კონტამინირებული პროცედურებისთვის

მოგზაურთა დიარეა, გაურთულებელი (ემპირიული თერაპია):

500მგ ერთხელ დღეში 1-3 დღე.

ერთჯერადდოზიანი თერაპიის უეფექტობის შემთხვევაში მკურნალობა გრძელდება 3 დღემდე. 3 დღიანი კურსი რეკომენდებულია პაციენტებისთვის ცხელებით და დიზენტერიით.

Shigella dysenteriae-თი გამოწვეული ნაწლავური ინფექცია გამონაკლისია და 5 დღიანი კურსის ეფექტურობა აღემატება 3 დღიანი და ერთჯერადდოზიანი მკურნალობის ეფექტურობას

ტუბერკულოზი

მგრძნობიარე ტუბერკულოზი: 500მგ ან 1გ ერთხელ დღეში დამატებით შესაფერის ანტიტუბერკულოზურ აგენტებთან კომბინაციაში

რეზისტენტული ტუბერკულოზი: 750მგ ან 1გ ერთხელ დღეში დამატებით შესაფერის ანტიტუბერკულოზურ აგენტებთან კომბინაციაში

მულტირეზისტენტული ტუბერკულოზის დროს 1გ-იანმა დოზებმა აჩვენა უპირატესობა 500მგ-თან შედარებით

მკურნალობის ხანგრძლივობა: ინდივიდუალურად კულტურის კონვერსიის სისწრაფის, დაავადების გავრცელების, კლინიკური შედეგის და ტოქსიურობის მიხედვით

საშარდე გზების ინფექცია

ცისტიტი, მწვავე გაურთულებელი ან მწვავე მარტივი ცისტიტი, ინფექცია ლიმიტირებულად მოიცავს შარდის ბუშტს ზედა საშარდე ტრაქტის, პროსტატის ან სისტემური ინფექციის სიმპტომების გარეშე: რეკომენდებულია დარეზერვება

მაგრამ მწვავე სიმპტომების მქონე მამაკაცებისთვის პროსტატის ჩართულობაზე ეჭვის შემთხვევაში ზოგიერთი ექსპერტი უპირატესობას ანიჭებს ფტორქინოლონებს

250მგ ერთხელ დღეში 3-5 დღე

საშარდე გზების ინფექცია, გართულებული (პიელონეფრიტის ჩათვლით)

თუ ფტორქინოლონების მიმართ რეზისტენტობის პრევალენტობა >10%, ამბულატორიული პაციენტებისთვის რეკომენდებულია ორალური თერაპია ხანგრძლივმოქმედი პარენტერალური ანტიბიოტიკის (მაგ. ცეფტრიაქსონი) საწყისი დოზის შემდეგ.

750მგ ერთხელ დღეში 5-7 დღე

დოზის გამოტოვების შემთხვევაში რეკომენდებულია დაუყოვნებლივ მიღება თუ შემდგომ დოზამდე დარჩენილია ≥8 სთ; სხვა შემთხვევაში რეკომენდებულია შემდეგ დოზამდე მოცდა.

დოზირება თირკმლის უკმარისობის დროს

CrCl >30 მლ/წთ: დოზის კორექცია საჭირო არ არის

CrCl < 30 მლ/წთ ან დიალიზზე მყოფი: ტუბერკულოზის სამკურნალოდ 750მგ ან 1 გ კვირაში 3-

ჯერ პაციენტებში, რომლებიც იტარებენ ჰემოდიალიზს კვირაში 3-ჯერ: რეკომენდებულია დოზის მიღება თითოეული დიალიზის შემდეგ.


კრეატინინის კლირენსი (მლ/წთ) თუ რეკომენდებული დოზა 250მგ ყოველ 24სთ-ში თუ რეკომენდებული დოზა 500მგ ყოველ 24სთ-ში თუ რეკომენდებული დოზა 750მგ ყოველ 24სთ-ში
≥50 არ საჭიროებს დოზის კორექციას არ საჭიროებს დოზის კორექციას არ საჭიროებს დოზის კორექციას
20 - < 50 არ საჭიროებს დოზის კორექციას 500მგ საწყისი დოზა, შემდეგ 250მგ ყოველ 24სთ-ში ერთხელ 750მგ ყოველ 48სთ-ში ერთხელ
< 20 250მგ ყოველ 48სთ-ში ერთხელ, გაურთულებელი საშარდე ინფექცია არ საჭიროებს დოზის კორექციას 500მგ საწყისი დოზა, შემდეგ 250მგ ყოველ 48სთ-ში ერთხელ 750მგ საწყისი დოზა, შემდეგ 500მგ ყოველ 48სთ-ში ერთხელ
ჰემოდიალიზი (კვირაში 3X პერიტონული დიალიზი) 250მგ ყოველ 48სთ-ში ერთხელ 500მგ საწყისი დოზა, შემდეგ 250მგ ყოველ 48სთ-ში ან 125მგ ყოველ 24სთ-ში ერთხელ 750მგ საწყისი დოზა, შემდეგ ან 500მგ ყოველ 48სთ-ში ან 250მგ ყოველ 24სთ-ში ერთხელ

დოზირება ღვიძლის უკმარისობის დროს

არ საჭიროებს დოზის კორექცია

გამოყენება პედიატრიაში

პედიატრიულ პაციენტებში ფტორქინოლონები რუტინულად პირველი რიგის თერაპიას არ წარმოადგენს. მაგრამ რისკისა და სარგებლის შედარების შედეგად შესაძლებელია განხილულ იქნას გონივრულ ალტერნატივად, როდესაც უფრო უსაფრთხო და ეფექტური ალტერნატივა არ არსებობს მულტირეზისტენტობა, მხოლოდ პარენტერალური ალტერნატივა

6 თვიდან < 5 წ: 8-10მგ/კგ/დოზა 2-ჯერ დღეში.

≥5 წ: 10მგ/კგ/დოზა ერთხელ დღეში; მაქს. დოზა 750მგ/დღეში.

კათეტერ-ასოცირებული ინფექცია (პერიტონული დიალიზი)

ჩვილები, ბავშვები, მოზარდები: 10მგ/კგ/დოზა ყოველ 48სთ-ში ერთხელ; მაქს საწყისი დოზა: 500მგ, მაქს შემანარჩუნებელი დოზა 250მგ.

Chlamydia trachomatis, უროგენიტალური ინფექცია

მოზარდები: 500 მგ ყოველ 24 სთ-ში 7 დღე

ცისტური ფიბროზი პულმონური გამწვავება: 6 თვიდან < 5 წ: 10მგ/კგ/დოზა 2-ჯერ დღეში.

≥5 წ: 10მგ/კგ/დოზა ერთხელ დღეში; მაქს. დოზა 750მგ/დღეში.

ეპიდიდიმიტი, არაგონოკოკური

მოზარდები: 500მგ ერთხელ დღეში 10 დღე

მენჯის ანთებითი დაავადება

მოზარდები: 500მგ ერთხელ დღში14 დღე მეტრონიდაზოლთან ერთად ან მის გარეშე.

საზოგადოებაში შეძენილი პნევმონია

შესაძლოა გამოყენებულ იქნას ალტერნატიულ აგენტად.

6 თვიდან < 5 წ: 8-10მგ/კგ/დოზა 2-ჯერ დღეში.

≥5 წ: 10მგ/კგ/დოზა ერთხელ დღეში; მაქს. დოზა 750მგ/დღეში.

მწვავე ბაქტერიული რინოსინუსიტი

რეკომენდებულია შემდეგ შემთხვევებში: პენიცილინზე ალერგია ტიპი I, საწყისი თერაპიის უეფექტობა ან რეზისტენტობა (სამედიცინო მომსახურებასთან ასოცირებული, ასაკი < 2წ, ჰოსპიტალიზაცია ახლო წარსულში, ანტიბიოტიკოთერაპია ბოლო ერთი თვის განმავლობაში Chow 2012).

ბავშვები და მოზარდები: 10-20მგ/კგ/დღეში გაყოფილი ყოველ 12 – 24სთ-ში ერთხელ მიღებაზე 10-14 დღე. მაქს. დოზა 500მგ/დღეში.

ტუბერკულოზი

რეკომენდებულია გამოყენება სულ მცირე 3-4 დამატებით ანტიტუბერკულოზურ აგენტთან კომბინაციაში ATS/CDC/ERS/IDSA [Nahid 2019]; Red Book [AAP 2018]; WHO 2019

ჩვილები, ბავშვები, მოზარდები: 15-20მგ/კგ/დოზა ერთხელ დღში; მაქს დოზა 1000მგ/დღეში.

ურეთრიტი, არაგონოკოკური: მოზარდები: 500მგ ყოველ 24სთ-ში ერთხელ 7 დღე CDC [Workowski 2015]

გვერდითი ეფექტები

მნიშვნელოვანი

აორტის ანევრიზმა / აორტის განშრევება

მექანიზმი: დროზე დამოკიდებული; ექსტრაცელულური მატრიქსის კოლაგენის და ელასტინის ჩათვლით დაზიანების უნარის მქონე მატრიქსის მეტალოპროტეინაზის (MMP) აფრეგულაცია. ნანახია MMP-და MMP-9 როლი ანევრიზმის განვითარებაში კოლაგენის ძაფების დეგრადაციის გზით. შესაძლოა ასევე ჰქონდეს პირდაპირი ეფექტი კოლაგენის სინთეზზე პასუხისმგებელი ქონდროციტების და ტენოციტების სიცოცხლისუნარიანობაზე რეაქტიული ჟანგბადის სახეობების წარმოქმნის, კასპაზას აქტივაციის და აპოპტოზის გზით.

გამოვლენა: უმეტეს შემთხვევაში დაყოვნებული (მკურნალობის დაწყებიდან 60 დღე).

რისკის ფაქტორები:

პერიფერიული სისხლძარღვების დაავადების, ანევრიზმის, ათეროსკლეროზის, ჰიპერტენზიის ისტორიის ან აორტის ანევრიზმის გენეტიკური წინასწარგანწყობის (მარფანის სინდრომი, ელერს-დანლოსის სინდრომი) მქონე ასაკოვნები

თერაპიის ხანგრძლივი კურსი (>14 დღე)

ართროპათია / ართრალგია

იშვიათია (შემთხვევები დაფიქსირებულა ბავშვებში) და გაივლის მკურნალობის შეწყვეტის შემდეგ

მექანიზმი: უცნობია; სხვადასხვა ჰიპოთეზა მოიცავს მიტოქონდრიული დნმ-ის სინთეზის ინჰიბირებას უმწიფარ ქონდროციტებში, ფტორის პირდაპირ ტოქსიურ ეფექტს ხრტილზე, მაგნიუმის ქელაციას და შემდგომ დეფიციტს ხრტილში და დეფექტური პროტეოგლიკანის და პროკოლაგენის სინთეზს და ქონდროციტების მიერ ტრიტიირებული თიმიდინის შემცირებულ ინკორპორაციას.

რისკის ფაქტორები:

მაღალი დოზები

გახანგრძლივებული მიღება

ცნს ეფექტები / ნეიროტოქსიურობა

გონების დაბინდვა, აჟიტაცია, უძილობა და ძილიანობა.

იშვიათია უფრო მწვავე რეაქციები (ბოდვა, ჰალუცინაციები, სუიციდის ტენდენცია და ტოქსიკური ფსიქოზი).

მექანიზმი: GABA შეკავშირების დარღვევა, NMDA შეკავშირების ცვლილება და აღმგზნები ნეიროტრანსმიტერების მომატება.

რისკის ფაქტორები:

ასაკოვნები

არაკორეგირებული დოზები თირკმლის უკმარისობის დროს

აასს თანმხლები თერაპია

კრუნჩხვა, ცნს დარღვევები წარსულში ან თანმხლები თერაპი მედიკამენტებით რომლებიც აქვეიტებენ კრუნჩხვის ზღურბლს

მენტალური დაავადების ისტორია ან რისკის ფაქტორი (მაგ. დეპრესია)

მოქმედების მექანიზმი

ლევოფლოქსაცინი - ოფლოქსაცინის S(-) ენანთიომერი, აინჰიბირებს მის მიმართ მგრძნობიარე ორგანიზმების დნმ-გირაზას და შედეგად დნმ-ის სუპერსპირალის გახსნას.

იწვევს დნმ-ის ჯაჭვის რღვევას. დნმ-გირაზა (ტოპოიზომერაზა II), მნიშვნელოვანი ბაქტერიული ენზიმია, რომელიც აუცილებელია დნმ-ის რეპლიკაციისა და ტრანსკრიფციისთვის, აღდგენისთვის, რეკომბინაციისა და ტრანსპოზიციისთვის.

ფარმაკოკინეტიკა

აბსორბცია: სწრაფი და სრული

განაწილება: ფართო განაწილება, კანის ბლისტერის სითხის, კანის ქსოვილის, მაკროფაგების, პროსტატის და ფილტვის

ცერებროსპინალურ სითხეში კონცენტრაცია შრატის კონცენტრაციის ~15%

ცილებტან კავშირი: ~24% - 38%; ძირითადად ალბუმინთან

მეტაბოლიზმი: მინიმალური ღვიძლისმიერი

ბიოშეღწევადობა: ~99%

ნახევარგამოყოფის პერიოდი: ~6 – 8 სთ

პიკის დრო: 1 – 2 სთ

ექსკრეცია: შარდით (~87% შეუცვლელი სახით, < 5% - მეტაბოლიტების); ფეკალიებით ( < 4% )

ეფექტურობის პარამეტრები

კონცენტრაციაზე დამოკიდებული, AUC24/MIC ასოცირებული, სამიზნე: >87 (90% პათოგენის ერადიკაციის დადებითი პრედიქტორი) და Cmax (პიკი)/MIC, სამიზნე ≥12 (კლინიკკური და მიკრობიოლოგიური გამოჯანმრთელება). კრიტიკულ პაციენტებში ზოგიერთი ექსპერტი რეკომენდაციას უწევს AUC24/MIC სამიზნე >125 - 250

S. pneumoniae: AUC24/MIC ≥30 (ბაქტერიოციდული)

Mycobacterium tuberculosis: AUC24/MIC ≥146 (ბაქტერიოსტატიკური 24 სთ-ში)

Pseudomonas aeruginosa: AUC24/MIC ≥80 (ბაქტერიოციდული)

პოსტანტიბიოტიკური ეფექტი: ბაქტერიოციდული ეფექტი გრძელდება ლევოფლოქსაცინის კონცენტრაციის სამიზნე პათოგენის MIC-ს ქვემოთ დაქვეითების შემდეგაც; 1 – 3 სთ

ორგანიზმის

მიხედვით

შენახვის პირობები

ინახება არაუმეტეს 25°C ტემპერატურის პირობებში

მშრალ, გრილ, მცირეწლოვანი ბავშვებისთვის მიუწვდომელ ადგილას.

არ გამოიყენოთ ადიფლოქსი ბლისტერზე და კოლოფზე მითითებული ვარგისიანობის ვადის გასვლის შემდეგ.

გამოშვების ფორმა

მრგვალი, ორმხრივ ამოზნექილი, აპკიანი გარსით დაფარული ნარინჯისფერი ტაბლეტები.

7 აპკიანი გარსით დაფარული ტაბლეტი ალუმინის ფოლგის ბლისტერში.

1 ბლისტერი გამოყენების ინსტრუქციასთან ერთად მუყაოს კოლოფში.

მარკეტინგის ავტორიზაციის მფლობელი და მწარმოებელი

„ადიფარმ ეად“ (ADIPHARM EAD) სიმეონოვსკო შოსეს ბულვარი 130 სოფია 1700 ბულგარეთი